KO TŌ MĀTAU MARAUTANGA

Kei te Kura BUSY, kei te āhukahuka mātau ki te wāhi nui kia whakawhiwhia atu ngā rangatahi ki ngā huarahi e whakapikitia ai ngā huanga pāpori, mātauranga, whai mahi hoki, me te tino aro ki a rātau kua pahuhu, e mōrearea ana rānei te pahuhu me te kore e whakaoti i te kura tuarua. 

Ka waihanga ngā tauira katoa i tētahi Mahere Ako Takitahi me tētahi Mahere Huarahi Mahi i runga i te mahi tahi ki te Āpiha Huarahi Mahi, ngā Kaimahi Tautoko, Ako hoki me ngā mātua/kaitiaki, e hāngai ana ki ngā hiahia o te tauira, ōna pūkenga me ōna āheinga hoki. Ka whai huarahi ngā tauira ki te ārahi i ā rātau haerenga ako, me te kuhu atu hoki ki te wāhi mahi. Ka whai huarahi hoki ngā tauira i te Kura BUSY ki te whai i te tohu Pōkaitahi ā-Motu (Taumata 1, 2, 3 rānei). 

Ka aro ngā tauira o te Kura BUSY ki ngā kaupapa matua e toru o te NCEA: te reo Ingarihi, te Pāngarau me te Tatauranga, me ngā huarahi ringarehe. Hei āpiti atu ki ngā kaupapa matua nei, ka kōkiri hoki ngā tauira i ētahi akoranga kōwhiri kia whai pūkenga, kia whai tohu ahumahi hoki e hāngai ana ki te huarahi ako takitahi a te tauira. Ka raua atu pea ki ngā kōwhiringa nei he akoranga ā-papakura, he noho ki te wāhi mahi, he hononga hoki ki ngā Whare Ako Ringarehe.

Ka whakakotahi te momo ako tāwariwari a te Kura BUSY i ngā akoranga ki te papakura, ki wāhi kē hoki, kia arohia ngā hiahia ako kanorau o ngā tauira. He rite tonu te whai wāhi mai me te neke whakamua a te tauira ki roto i tā mātau hōtaka rima rā i te wiki. 

Mā te kōkiri i ngā kaupapa ako matua e toru me te ako ringarehe takitahi, ka kohikohi haere ngā tauira i te 60 piro, mōkito nei, kei te taumata 1, 2, 3 rānei o te NCEA.